Noa’ia, Noa’ia, Noa’ia,Gagaj ‘Ạitu Noa’ia.
Fäeag ne ‘uạ‘ạki ma hạipoaga sok’ạkiof se te’ ne gagaj ‘atakoa ‘e as helav ne ‘os Gagaja Jisu Karisto.
‘Uạ‘uạ‘ȧk se Keres hanis ‘on ‘Ạitu ne lạfumea se te’ ne ‘is tutu ‘atakoa ma ‘os mạuri
sur hoi’ạkim se ta av lelei hoi’ạkit.
Gagaj ‘Ạitu noa’ia ma ‘is po hoi’ạkim ta av lelei airet, av fu’ȧk ‘on ‘Ạitu la ‘is la kamatan ta ‘os website het se rotu ‘e Churchward Circuit. Remös te’ fupum ‘e laloag ne av noanoa ne ‘is agtạu vȧh ‘e Covid-19 ta ma kop ma räe ne hạiasoag rạurạut la poōm ‘e laloag ne ‘es’ao’ạkiạg ne media ma a’häe’ȧk la fu’ȧk sio ta website se ‘os kạugarueag ne Churchward ‘e ‘amnạkit la po la ‘ut’ut’ȧk se’ ma a’vavhiạn ne ‘os po la hạia’fạiạg ma hạigarueag ‘e ‘os a’es’ao’ạkiạg ne media website ta.
Huạl ne ‘December, fạu 2022, te’is av het ne la säe ‘e ‘os Website ta.
‘Os ‘uạ‘uạ‘ạki ma ‘os ro’ạitu se ‘Ạitu la ‘on hanisi la a’vavhiạn ma la fu’ạkia website te se rer ne ‘on Ạlạlum’ạkiga ma fuạgri’ạkia se Jisu Karisto iạ ne ‘on’on ka Gagaj ne te’ ne te
‘atakoa.
‘Uạ‘uạ‘ȧk se Huạ‘i, Fumärä’e, Kakai rotu, ka a’ti’ se iris ne mou se ‘os media team ta ‘e reko ‘omus hạiasoaga ma po la ‘is la tak’ȧk sio ta afag hoi’ạkit se ‘os garue ‘e Churchward Circuit.
Gagaj ‘Ạitu la ạlạlum’ạkia te’ ne ‘is tutu ‘atakoa.
Noa’ia